Намайг Төгөлдөр гэдэг. Одоо 35 настай. Амьдралын минь хамгийн эрч хүчтэй, ид бүтээж туурвих насан дээрээ би нэг л мэдэхэд хоосон ангалын ирмэг дээр ирчихээд зогсож байна. Би өөрийгөө муу эр хүн гэж хэзээ ч бодож байсангүй. Өөрийн гэсэн хүнсний дэлгүүртэй, онлайн худалдааны бизнес маань ч тогтвортой, гэр бүлээ хэнээс ч дутаахгүй авч яваа, амжилттай яваа залуу гэж өөртөө итгэдэг байлаа. Гэвч өнгөрсөн жилийн тэр нэгэн өдөр миний байгуулсан бүх ертөнц хөзрөөр барьсан байшин шиг нуран унасан юм.

Эхнэр бид хоёр арав орчим жил нэг гэрт амьдарчээ. Ангирмаа бид хоёр чацуу. Залуу халуун насандаа учраад, зовлон жаргалаа хуваалцаж, үр хүүхэдтэй болон төлөвшиж явсан тэр он жилүүдийг би хамгийн үнэ цэнэтэй нь гэж боддог байв. Би эхнэртээ итгэдэг байлаа. Хэтэрхий их итгэсэн учраас хэзээ ч утсыг нь шалгаж, хаана хэнтэй явааг нь байцааж байсангүй. Гэхдээ тэр өдөр совин татсан уу, эсвэл зүгээр л тохиолдол байсан уу, би түүний утсыг нээж үзсэн юм. Тэр үед би өөрийгөө там руу өөрөө гүйгээд орчихно гэж төсөөлөөгүй.

Утасных нь галерей дотор байх нэгэн бичлэгийг хараад миний дотор харанхуйлж, гарын алга хөлөрч эхлэв. Бичлэг дээр... миний хайрлаж, хүндэлж явсан эхнэр минь миний хөдөлмөрөөрөө авсан Mercedes-Benz S-Class машинаа унаад нэг танихгүй залууг очиж авч байгаа нь харагдана. Хамгийн аймшигтай нь, намайг ажил дээрээ гэр бүлийнхээ ирээдүйн төлөө зүтгэж байх зуур тэр залууг манай гэрт дагуулж ирээд, орон дээр минь янаглаж, тэр бүхнээ утсан дээрээ бичлэг болгон хадгалан үлдээсэн байсан.

( ҮРГЭЛЖЛҮҮЛЭН ТӨЛБӨР ТӨЛӨХ ЗААВАР ДООШ ГҮЙЛГЭЭД БАЙГАА )