Улаанбаатар хотын заадас хага татах хүйтэн салхи Соёлнарангийн хацрыг хайрч, нүднийх нь нулимсыг хатааж амжилгүй нүүрэн дээр нь мөстүүлнэ. Тэрээр автобусны буудал дээр гөлөрсөн харцаар зогсохдоо халаасандаа гараа хийх бүрт сохор зоос ч үгүй болсноо дахин дахин мэдэрч, дотор нь хоосорч байв. Хэдхэн цагийн өмнө тэр халаасандаа гурван сая төгрөгтэй явсан юм. Холын аймгаас аав, ээж нь банкны зээл авч, цуглуулж өгсөн сургалтын төлбөр. Тэр мөнгө зөвхөн сургалтын төлбөр биш, Соёлнарангийн ирээдүй, аавынх нь үрчийсэн гар, ээжийнх нь найдвар байсан юм. Хөл хөдөлгөөн ихтэй автобусанд хэн нэгэн халаасыг нь ухаж, тэрхүү нимгэн дугтуйг суйлж авахдаа охины амьдралыг давхар суйлчихна чинээ санаагүй биз.

Гэртээ харих замын турш тэр өөрийгөө үзэн ядаж, амиа хорлох тухай ч бодож амжив. Гэвч аавынх нь "Миний охин сайн сураад, хүн шиг амьдраарай" гэх дуу хоолой чихэнд нь цуурайтна. Тэр үнэнийг хэлж зүрхэлсэнгүй. Хэлвэл аав нь цусны даралт нь ихсэж, ээж нь шөнөжин уйлна гэдгийг мэдэж байлаа. Ингээд Соёлнаран ганцаараа тэмцэхээр шийдэв. Тэрээр интернэтээр "Цагийн ажил хийнэ, гэр цэвэрлэнэ" гэсэн зар тавьснаас хойш гурав хоногийн дараа нэгэн дуудлага хүлээн авлаа.

Хотын төвд байрлах өндөр зэрэглэлийн хотхон. Хаалгаар ороход л тансаг үнэртэн, үнэт модон тавилга, хүйтэн хөндий агаар угтав. Гэрийн эзэн Чинхүрэл гэх 40 эргэм насны эр байлаа. Тэрээр төрийн албанд ажилладаг, үг цөөнтэй, бүх зүйл нь байх ёстой газраа байхыг шаарддаг нямбай хүн аж. Эхнэр нь Японд докторын зэрэг хамгаалахаар явсан тул тэрээр дунд сургуулийн хүү Хүслэнтэйгээ хоёул амьдардаг байв.

Соёлнаран анх ажилд орохдоо зөвхөн мөнгө л бодож байлаа. Гэвч өдөр ирэх тус бүр тэрээр энэ нүсэр, гоёмсог байшинд амьд халуун уур амьсгал үгүйлэгдэж байгааг анзаарав. Хүү Хүслэн хичээлээсээ ирээд ганцаараа бэлэн гоймон идэж, аав нь оройтож ирээд сонин уншин чимээгүй суудаг тэр дүр зураг Соёлнарангийн сэтгэлийг өвтгөсөн юм. Тэрээр гэрийг нь гялалзтал цэвэрлэхээс гадна халуун хоол бэлтгэж, Хүслэнтэй хичээлийг нь давтаж, гэрт “гэр” шиг үнэрийг авчирч эхлэв.

Чинхүрэл орой ирэхдээ үүдэнд нь гутлыг нь эгнүүлээд тавьчихсан, өөдөөс нь халуун шөлний үнэр анхилж байгаад аажмаар дасаж эхлэв. Тэрээр залуу охины чимээгүйхэн гал тогоонд эргэлдэх, Хүслэнтэй инээлдэх, цэвэрч бөгөөд даруухан төрхийг нь дэргэдээсээ ажиглах боллоо. Соёлнаран ч мөн адил. Чинхүрэлийн тэрхүү буурьтай, соёлтой, заримдаа гунигтай ч юм шиг гүн харцнаас өөрийгөө хамгаалагдсан, аюулгүй мэдрэмжийг авч байлаа. Тэр бол Соёлнарангийн өмнө нь хэзээ ч харж байгаагүй, өндөр дээд ертөнцийн, төлөвшсөн эр хүн байв.

Нэгэн бороотой орой Чинхүрэл ажлын хүлээн авалтан дээр бага зэрэг дарс уучихсан, ердийнхөөсөө илүү гунигтай ирлээ. Хүү нь амарчихсан, гэр дотор зөвхөн аяга таваг угааж байгаа Соёлнарангийн чимээ л сонсогдоно. Чинхүрэл гал тогооны хаалганы наана зогсоод түүнийг хэсэг ажиглав. Соёлнаран эргэж харахдаа түүний харцнаас...

⚠️ Анхааруулга: Энэхүү зохиолын дараагийн бүлгүүд нь насанд хүрэгчдэд зориулсан (+18) сэтгэл зүйн болон романтик гүнзгий хэсгүүдийг агуулсан тул зөвхөн насанд хүрэгчид уншихыг зөвлөж байна. ТӨЛБӨР ТӨЛӨХ ЗААВАР ДООШ ГҮЙЛГЭЭД БАЙГАА ЗААВРЫН ДАГУУ ХИЙНЭ ҮҮ!!!