Эр хүний физиологийн хэрэгцээ гэдэг ганцаардсан үед улам бүр тод мэдрэгддэг. Эндхийн улаан дэнлүүний гудамжны хүүхнүүдэд нэг удаадаа 80 доллар тушаах нь эхэндээ амар шийдэл мэт санагдавч, яваандаа миний халаасыг хоосолж эхэлсэн юм. Монгол мөнгөөр бодоход 160 мянган төгрөг. Ганцхан цагийн зугаа цэнгэлийн төлөө ийм мөнгө үрэх нь оюутан хүнд дэндүү тансаглал байлаа.

Яг ийм үед би Ц-тэй танилцсан юм. Тэр дөнгөж 21-тэй, яг л дэлбээлж буй цэцэг шиг охин. Бие хаа, царай зүс нь монгол охидынхоо гоо үзэсгэлэнг гайхуулж, хажуугаар нь зөрөхөд харц булаам. Анх хараад л би дотроо "За, энэ л миний хайж байсан хүн" гэж шуудхан дүгнэсэн. Түүнтэй танилцаж, яриа өдөхдөө би хамаг л мэддэг чаддаг үгсээ урсгаж, өөрийгөө хамгийн ухаалаг, аятайхан залуу гэж харуулахыг хичээлээ.

Ц-тэй уулзаж, харилцаа маань дотносох тусам тэр надад нэгэн нууцаа дэлгэсэн нь миний урам зоригийг ус цацах мэт унтрааж орхисон юм. Тэр энд нэгэн баян сингапур эртэй хамт амьдардаг аж. 40 гарсан тэр эр Ц-гийн бүх зардлыг дааж, үнэтэй байранд суулган, мөнгө төгрөгөөр дутаадаггүй гэнэ. Гэхдээ баян эрийн халамж нь хатуу хяналттай хамт ирдэг. Ц бараг гэрээсээ гардаггүй, тэр эрийн харамгүй хардалт дор хагас хорионд амьдардаг байв. Сайхан охин яагаад ийм замыг сонгосон юм бол гэж бодохоос харамсах сэтгэл төрөвч, би түүнийг шүүх эрхгүй нэгэн билээ.

Нэг өдөр Ц над руу залгаж, Монголоос ээж нь ирсэн тул цуг гадуур явж өгөхийг гуйв. Би ч татгалзсангүй. Магадгүй эх орны минь салхи шингэсэн ямар нэгэн амттан ирсэн болов уу гэх горьдлого тэнэж явсан хэрэг. Товлосон газартаа очиход Ц-гийн хажууд зогсох эмэгтэйг хараад би мэл гайхав. Ээж нь гэхэд дэндүү залуухан, охиноосоо дутахгүй бие хаатай, биеэ авч яваа нь цэгцтэй нэгэн байлаа.